Пејач преживеал авионска несреќа затоа што седел на истото седиште со единствениот преживеан од несреќата во Индија: „Се наежив кога го видов тоа“
Тајландскиот пејач Руангсак Лојчусак раскажа како ја преживеал авионската несреќа во 1998 година во која загинаа 101 патник, седејќи на седиштето 11А – исто како и единствениот преживеан од катастрофата на Ер Индија.
Руангсак Лојчусак, 47, бил на летот TG261 на „Тај ервејс“ од Бангкок до Сурат Тани кога авионот ја изгубил контролата и се урнал во мочуриште додека се обидувал да слета.
Трагедијата одзела животи на 101 од 132 патници и 14 членови на екипажот, додека 45 лица биле повредени.
Вчера, Руангсак рече дека почувствувал „како му се тресат очите“ кога видел дека единствениот преживеан од несреќата на Ер Индија во Ахмедабад, британскиот патник Вишвас Кумар Рамеш, бил на седиштето 11А кога неговиот авион се урна и удри во зграда, објавува „Дејли меил“.
„Единствениот преживеан од авионската несреќа во Индија седел на истото седиште со мене, 11А“, рече Лојчусак.
„Сакам да изразам сочувство до сите оние кои ги загубија своите најблиски во трагедијата.“
Иако пејачот повеќе го нема својот билет од фаталниот лет, тој рече дека извештаите во весниците од тоа време го потврдиле неговиот број на седиште.
Руангсак Лојчусак, исто така, опиша како живеел „различен живот“ откако ја преживеал катастрофалната несреќа.
„Десет години по несреќата, имав проблеми со летањето. Се мачев да дишам, иако циркулацијата на воздухот беше нормална“, рече тој.
„Избегнував да разговарам со никого и постојано гледав низ прозорецот, не дозволувајќи никому да го затвори, за да одржам чувство на сигурност.“
