ПАУЕЛ ГОВОРИ ЗА ЦАРИНИТЕ: Кажа какви ефекти може да се очекуваат
Царините кои САД ги воведе за други земји и натаму се главна тема во светот.
Претседателот на Федералните резерви на САД, Џером Пауел вели дека влијанието на царините „веројатно е значително поголемо од очекуваното“.
Тој додаде дека увозните такси ќе доведат до привремен пораст на инфлацијата, но додаде дека „исто така е можно ефектите да бидат потрајни“.
„Наша обврска е да обезбедиме еднократното зголемување на нивото на цените да не стане тековен проблем на инфлацијата“, рече Пауел.
Трамп го повика Пауел да ги намали каматните стапки, наведувајќи ја пониската инфлација и цените на енергијата.
Економистите очекуваат царините да ја ослабат економијата, можеби да го загрозат вработувањето и да ги зголемат цените.
Меѓу државите кои први се погодени со „општата“ царинска давачка од 10 отсто се Австралија, Велика Британија, Колумбија, Аргентина, Египет и Саудиска Арабија.
Повисоките давачки за стоките од 57 главни трговски партнери на САД треба да стапат во сила следната недела.
