ПАТУВАЊЕ БЕЗ ВИЗИ: Колку е моќен бугарскиот пасош?
Бугарскиот пасош е на 15-то место на рангирањето за атрактивност за 2025 година.
Со бугарски пасош можете слободно да патувате во 178 земји.
Источниот сосед заедно со Романија и Монако – е на 15-то место во светот на овогодинешното рангирање за атрактивност на пасошите, според бројот на дестинации до кои имаат пристап без визи. Ова е наведено во рангирањето на „Хенли Глобал“, кое оценува 199 пасоши во светот.
За споредба, македонскиот пасош според истата ранг листа се наоѓа на 40-тото место и со него без виза може да се патува во 129 држави во светот. Дел од македонските граѓани поседуваат бугарски пасоши.
