Партизан потклекна кога не смееше, претстои жестока битка за топ-10

„Црно-белите“ загубија со 70-85 иако до почетокот на последната четвртина беа во игра за триумф. По 30 минути, резултатот беше 65-61 за Монако, но домаќините одлично го започнаа последниот квартал, постигнаа девет поени по ред и се оддалечија на недостижни +11 (74-63). Обрадовиќ ја почна четвртина со „втора“ постава, Аврамовиќ и Јарамаз направија неколку грешки и не искористија напади, а Монако тоа знаеше жестоко да го казни.

Кевин Пантер не можеше сам, постигна 28 поени, делумно му помогна Камински со 17, но другите останаа далеку назад. Со евентуален триумф, Партизан ќе се израмнеше со својот вечерашен противник и ќе избиеше на шестото место, а вака е десетти, со биланс 12/12, колку што има и 11-пласираната Басконија. Во последните десет кола, пред белградскиот тим е тешка борба за место во топ-10 во која ќе учествуваат уште многу екипи.

За Монако ова беше трет триумф во низа и четврти на последните пет натпревари во Евролигата, но и натаму е далеку од обезбедување пласман во плејофот.