Партизан изгуби и од Воша, нашиот Мирчевски може да игра ЛШ со Бачка Топола (ВИДЕО)

Мечот беше решен во второто полувреме во кое домаќинот преку Малбашиќ и Николиќ дојде до убедлива предност, која белграѓани во самиот финиш преку Пантиќ само успеаја да ја намалат. Црно-белите одамна ја загубија борбата за титулата со Црвена Звезда, која сега им бега 22 бода, но што е поважно за нив тие веќе паднаа на третото место на табелата, зад ТСЦ од Бачка Топола, кој има бод повеќе и натпревар помалку.

Од оваа сезона, српското првенство на шампионот му носи директен пласман во групната фаза од Лигата на шампионите, а на второпласираниот место во квалификациите. Ова значи ако ТСЦ продолжи со добрите игри, а Партизан со лошите, постојат реални шанси македонскиот интернационалец, Мартин Мирчевски, следната сезона да го гледаме во најквалитетното клупско европско натпреварување.