Партизан ја урна Басконија, важна победа на црно-белите во битката за плејофот!
Партизан одлично го почна мечот, особено беше импресивен во втората четвртина која ја доби со фантастични 20-7. На полувремето црно-белите имаа предност од 20 поени разлика, беше 45-35.
Во вториот дел Басконија почна да ја намалува предноста и во финишот од мечот дојде на -5. Сепак последните минути му припаднаа на Партизан кој на крајот славеше со 86-73.
Најефикасен во составот на Партизан беше Џонс со 21 поен, Браун постигна 19.
По 27 натпревари Партизан е на осмото место со 15 победи и 12 порази.
Во другите денешни натпревари од Евролигата, Анадолу Ефес ја победи Алба Берлин со 98-73, Олимпијакос забележа гостинска победа кај Виртус Болоња од 92-70.
