Партизан ја среди Звезда и ја исфрли од борбата за првите две места

Тоа е прва победа на „црно-белите“ против својот најголем ривал на натпревар од регионалното натпреварување по речиси години и пол, односно по 30 октомври 2023 година. Со овој пораз, Звезда ги загуби сите шанси за првите две места, но многу веројатно основниот дел од сезоната ќе го заврши на четвртата или петтата позиција.

Партизан имаше двоцифрена предност во третата четвртина (48-38), но победникот беше решен во последниот квартал кога формалниот домаќин на овој меч со неколку тројки отиде на +8 (76-68). Во финишот, Звезда се доближи на три поени негатива (75-78), но Стерлинг Браун со тројка стави крај на сите дилеми.

Токму Браун беше убедливо најдобар поединец на мечот, постигнувајќи 24 поени, а се истакна и Тајрик Џонс со 15. Филип Петрушев ја предводеше Звезда со 19 поени.