Партијата на Орбан го предложи претседателот на Уставниот суд за функцијата претседател
Унгарската владејачка партија Фидес го предложи претседателот на Уставниот суд Тамаш Суљок за нов претседател на земјата наместо Каталин Новак.
Ова денеска го соопшти владиниот портпарол.
Новак, долгогодишен сојузник на конзервативниот премиер Виктор Орбан, поднесе оставка на 10 февруари по силниот јавен притисок да помилува човек осуден за помагање при прикривање на сексуална злоупотреба во дом за деца. Скандалот предизвика масовни протести минатата недела.
„Денеска, по внимателно разгледување на состанокот на пратеничката група, Мате Кочис го објави назначувањето на д-р Тамаш Суљок, претседател на Уставниот суд, за претседателски кандидат на Владата“, рече портпаролот.
Опозициските партии се уште не ги избрале своите кандидати
Претседателот на парламентот ќе одлучи кога парламентот, во кој Фидес има големо мнозинство, ќе го избере Суљок на оваа главно церемонијална функција. Гласањето треба да биде во март.
Опозициските партии се уште не ги предложиле своите кандидати. Суљок е претседател на Уставниот суд од 2016 година.
