ПАРИ И ЗА ОПШТИНИТЕ КАДЕ СЕ ПРЕРАБОТУВААТ МИНЕРАЛИТЕ – Еве какви измени се планираат за концесиите
Се крчакаат
промени во начинот на распределба на средствата од концесија на минерални
суровини. На предлог на неколку пратеници во Собранието е доставен предлог на
закон за дополнување на Законот за минерални суровини.
Со него се
предлага промена на начинот на распределба на средствата од концесијата за
експлоатирана количина на металична минерална суровина, во случај кога истата
се преработува и/или се одлага јаловината од преработката на истата на
територија на друга општина од општината на чија територија се врши
концесиската дејност.
Во ваква
ситуација, пратениците предлагаат, надоместокот за експлоатирана количина на
минерална суровина сразмерно да се распределува по половина помеѓу општината на
која се врши концесиската дејност и општината на чија територија се преработува
и одлага јаловината од преработката.
Предлагачи на
овие законски измени се пратениците Бедри Фазли, Вјолца Адеми, Коле Чаракчиев,
Мерита Колчи Коџаџику, Панчо Минов и Рина Ајдари.
– Со дополнувањето на Законот за
минерални суровини се менува начинот на распределба на концесискиот надоместок
за експлоатирана количина на металична минерална суровина во случај кога истата
се преработува и/или се одлага јаловината од преработката на истата на
територија на друга општина од општината на чија територија се врши
концесиската дејност. Односно во тој случај концесискиот надоместок за
експлоатирана количина на минерална суровина сразмерно да се распределува по
половина помеѓу општината на која се врши концесиската дејност и општината на
чија територија се преработува и одлага јаловината од преработката на
металичната минерална суровина – се наведува во образложението на предлог
законот доставен во Собрание.
П.О.
