ПАКУВАЊА КОКАИН СО МИКИ МАУС И ПЛУТО! Приведени Црногорците кои паднаа со речиси 500 килограми КОКАИН во Уругвај

На двајца црногорски државјани кои беа уапсени при запленувањето на 489 килограми кокаин во Уругвај им е одредена мерка притвор до 120 дена.

Во повеќемесечната акција „Виртус“ во таа јужноамериканска земја беа уапсени 16 лица, меѓу кои и државјани на Уругвај и Боливија. Според медиумите, тие се товарат за различни кривични дела поврзани со шверц на дрога.

За граѓаните на Црна Гора, уругвајските медиуми пишуваат дека според полицијата „тие би можеле да бидат дел од балканскиот клан, голема мрежа на организиран криминал што дејствува во Европа“.

Дрогата била спакувана во 450 пакувања со лого со ликовите на хероите на Дизни, Мики Маус и Плутон.

Се наведува и дека проценетата вредност на запленетиот кокаин е околу 15 милиони евра.

Според аргентинските медиуми, властите биле запознаени со шверцот на товарот со дрога, а бил следен и транспортот за да се уапсат организаторите и да се добијат повеќе информации за нивниот начин на работа.

Се наведува дека државјани на Црна Гора се на листата на сини барани на Интерпол.