„ПАДНА“ И ПРВАТА ОСТАВКА ВО СРБИЈА: Весиќ се повлекува поради несреќата која се случи во Нови Сад

„Падна“ и првата оставка во Србија, по несреќата која деновиве се случи во Нови Сад, каде се урна натстрешница на Железничка станица при што загинаа 14 луѓе, меѓу кои и еден македонски државјанин. 

Министерот за градежништво, транспорт и инфраструктура во Србија, Горан Весиќ одржа вонредна прес-конференција на која изјави дека утре претпладне и официјално ќе поднесе оставка.

„Таа вечер бев на железничката станица, и дадов оставка ден откога се случи несреќата, а мојата намера му ја соопштив на претседателот на републиката, утре наутро и официјално ќе поднесам оставка од функцијата министер за градежништво, транспорт и инфраструктура“, изјави Весиќ.

Тој рече дека кога Националното собрание ќе ја потврди неговата оставка, тој ќе престане да ги извршува своите должности во техничкиот мандат.

„Поднесувам оставка како одговорно лице бидејќи се случи страшна несреќа во ресорот што го раководам. Јас сум одговорен, но не сум виновен. Зошто не можам да ја прифатам вината? Бидејќи министерството не можело да влијае на тоа како е направено“, вели Весиќ. 

Во Белград и денеска имаше протести и граѓаните бараат одговорност.