ПАДНА АВИОН ВО ХРВАТСКА? Во тек е голема потрага, во областа постои сомневање за мина, 80 луѓе на терен
Денеска преку Центар 112 добивме дојава за исчезнување од радарот на спортски авион меѓу Језеран и Модруш. Веднаш е започната интензивна потрага, соопштува Хрватската планинска спасувачка служба – ХГСС.
Станува збор за спортски авион „Cirrus 20“ со ознака PHYMC, кој бил на лет од Марибор до Пула.
Веднаш по добивањето на дојавата, на терен се испратени станиците за ХГСС Огулин, Госпиќ, Карловац и Загреб, а дополнителни сили се ставени на готовност.
Првите екипи се на терен и веќе е пребаран дел од просторот. Во потрагата моментално учествуваат вкупно 40 припадници на ХГСС од 4 станици. Дополнителни сили беа ставени во готовност.
Ги повикуваме сите кои имаат информации или забележале нешто сомнително во областа веднаш да се јават на 112. Секоја информација може да биде од голема важност за успешен исход на пребарувањето.
Тие во моментов го пребаруваат теренот со помош на работна сила и беспилотни системи, како и собираат информации од локалното население. Областа за пребарување е ограничена бидејќи дел од теренот е област за која постои сомневање за мина.
Се очекува во овој момент да полета и хеликоптер на Министерството за одбрана од Загреб, со 4 припадници на ХГСС, кои од воздух ќе го пребаруваат теренот.
Во моментов на терен има 80 лица, од кои 50 се припадници на ХГСС, заедно со ХГСС има и полиција, вработени во РЦЗ и членови на ДВД Бриње.
Пристигнуваат ДИП на ЦЗ и дополнителни полициски сили.
Фото: Принтскрин/Фејсбук
