Падерборн на Муслиу направи изненадување во Купот, го елиминира Фрајбург!
Во натпревар од шеснаестинафиналето, второлигашот го елиминира Фрајбург со 3-1 на гостински терен. Членот на Бундеслигата (осмо место) се најде во шок по половина час игра, откако Библија и Муслија погодија за 0-2. Филип Библија зголеми и на 3-0 по десет минути игра во вториот дел, а потоа Фрајбург само намали на 1-3.
Муслиу ги одигра сите 90 минути, покажувајќи се како важна алка во одбраната на екипата која е на 12. место во втората Бундеслига. Оваа сезона има осум натпревар и еден постигнат гол, сметајќи ја лигата и Купот. Следниот противник, во осминафиналето, тој и соиграчите ќе го дознаат преку ждрепка.
Меѓу потенцијалните противници се и Баер Леверкузен и Борусија Дортмунд, кои вечерва без проблеми ја завршија својата задача. Импресивниот Баер со 5-2 го реши Сандхаузен, а Борусија со 1-0 славеше над Хофенхајм.