Пад на продажбата на станови: Во вториот квартал продадени 178 помалку од првиот

Во вториот квартал од годинава забележан е пад во продажбата на станови во однос на првиот квартал. Според податоците на Агенцијата за катастар на недвижности, во периодот од 1 април до 30 јуни продадени се 676 новоизградени станови од инвеститори, што е за 178 помалку отколку во првиот квартал.

Во тек се градежни активности на 25.354 станови, кои се очекува да излезат на пазарот во наредниот период.

Најголем број продадени станови е регистриран во општина Аеродром, каде во вториот квартал се продадени 164 стана, додека најмногу куќи се продадени во Битола, вкупно 60.

Највисока цена за стан по метар квадратен е забележана во општина Центар, каде стан од 96 м² е продаден за 260.000 евра, односно 166.563 денари за метар квадратен.

Во вториот квартал се регистрирани и 150 продажби на гаражи, распределени во повеќе општини, додека најмногу деловни простории се продадени во општина Центар – 28 објекти.

Вкупно, според Регистарот на цени и закупнини, во вториот квартал се забележани 754 продажби од инвеститори: 676 станови, 71 куќа, пет гаражи и два деловни простора.