ПАД НА ЕКОНОМИЈАТА: Што се случува во Франција?

За 0,1 отсто се намали француската економија. Придонесот на домашната побарувачка е намален на 0,2 поени.

Ова го покажуваат ревидираните податоци на заводот за статистика INSEE. Придонесот на бруто инвестицискиот капитал, кој покажува колку нова додадена вредност се инвестира во економијата наместо да се троши, е значително ревидиран надолу во француската економија. 

Во ноември, прелиминарната инфлација, усогласена со ЕУ, е 3,8 отсто на годишна основа. Инфлацијата се намали од 4,5 отсто во октомври, што беше помогнато со намалувањето на ценовниот притисок во енергетскиот и услужниот сектор.

Цените на храната се зголемија за 7,6 отсто во ноември, во однос на 7,8 отсто во октомври, а растот на цената на енергијата забави на 3,1 отсто по растот од 5,2 отсто минатиот месец.

Инфлацијата во еврозоната се намали повеќе од очекуваното во ноември, приближувајќи се до целта од два отсто.

foto freepik.com/user12555082