Пациентите од Кочани кои се лекуваа во Турција имале непријатности на аеродромот во Истанбул!

Пациенти од Кочани кои се лекуваа во болници низ Турција се соочиле со непријатност на аеродромот во Истанбул.

Како што вели премиерот Христијан Мицкоски, тие се враќале од Анкара.

„Ние на дневна основа се соочуваме и решаваме проблеми кои се поврзани со случувањата во Кочани. Пред два-три дена дечиња се враќаа од лекување од Анкара и имаа непријатна ситуација на аеродромот во Истанбул. Лично разговарав со еден од родителите и со претседателот Реџеп Таип Ердоган. Се среди целата работа и дечињата се вратија тука. Организиравме транспорт од аеродром во болницата „8 Септември“. На нивна одговорност не останаа на подолго лекување и излегоа оттаму. Оваа работа ќе трае со години. Се што можам ќе сторам. Ќе разговарам лично со семејствата. Цела Македонија болува и ќе болува. Работите не можат сами од себе да се решат“, кажа Мицкоски од општина Штип.