![„Овие ги сметам за најтешки злосторства, овие напади се многу болни и штетни“: Расел Бренд јавно проговори за страшните обвинувања што го следат](https://novina.mk/wp-content/uploads/2024/02/screenshot_4-16-850x560.webp)
„Овие ги сметам за најтешки злосторства, овие напади се многу болни и штетни“: Расел Бренд јавно проговори за страшните обвинувања што го следат
Минатата година актерот Расел Бренд беше обвинет од четири жени за силување, сексуален напад и злоупотреба, а потоа се јавија уште неколку од нив, тврдејќи дека доживеале одвратни и непријатни работи од актерот.
Актерот веднаш ги отфрли обвинувањата, а сега за сето тоа првпат јавно проговори.
„Секако дека ги отфрлам сите обвинувања што беа упатени. Ги отфрлам обвинувањата на најсилен можен начин“, изјави тој во емисијата „Икс шоу“ на Такер Карлсон, пренесува „Дејли мејл“.
Тој додаде дека тоа е „намерен обид да се затвори секое несогласување, на зачудувачки агресивен начин“.
Се тврди дека сето тоа се случило помеѓу 2006 и 2013 година, кога Бренд бил водител на BBC Radio 2 и Channel 4, пред да стане холивудска ѕвезда.
„Се ставам во ранлива позиција со тоа што сум многу промискуитетен. Ваквите напади, обвинувањата за она што јас го сметам за најстрашни злосторства, се многу болни и повредливи. Но, има последици“, истакна тој, пренесува гореспоменатиот медиум.