ОВАА ТОЧКА МОЖЕ ДА ГО РАЗБЕСНИ КРЕМЉ: Во договорот за минералите на Украина и САД е вклучена нова одредба, еве која
Во рамките на договорот за пристап до природните ресурси на Украина, што оваа земја го потпиша вчера со Америка, клучната одредба е за воена помош.
Според Си-Ен-Ен, САД и Украина потпишаа „договор за економско партнерство“ што ќе му даде на Вашингтон пристап до ретките минерали на Киев во замена за основање инвестициски фонд во Украина.
„Како што рече претседателот (Доналд Трамп), Соединетите Американски Држави се посветени на обезбедување помош за да се стави крај на оваа сурова и бесмислена војна (во Украина)“, изјави секретарот за финансии Скот Бесент.
Тој посочи дека договорот јасно ѝ сигнализира на Русија дека администрацијата на Трамп е посветена на мировен процес центриран кон слободна, суверена и просперитетна Украина на долг рок.
„И да бидеме јасни – на ниедна држава или лице кое ја финансирало или снабдувало руската воена машинерија нема да му биде дозволено да има корист од обновата на Украина“, нагласи тој.
Што добива Украина од договорот, а што Америка?
Министерката за економија на Украина, Јулија Свириденко, го потпиша договорот во Вашингтон во име на украинската влада.
Меѓу одредбите од договорот е дека „целосната сопственост и контрола“ остануваат во рацете на Украина, напиша таа на мрежата X.
– Сите ресурси на нашата територија и во меѓународните води ѝ припаѓаат на Украина. Украинската држава е таа што одредува што и каде треба да се извлече. Подземните слоеви остануваат сопственост на Украина – ова е јасно утврдено со Договорот. Ниту една страна нема да има доминантен глас – што е одраз на рамноправното партнерство меѓу нашите две нации – изјави таа.
Украинскиот премиер Денис Шмихал изјави на националната телевизија дека договорот е добар, еднаков и корисен.
Договорот беше потпишан по несогласување во последен момент кое речиси го спречи потпишувањето на документите.
Според лице запознаено со договорот, со овој потег Киев сака да ја зајакне поддршката на американскиот претседател Доналд Трамп во преговорите за прекин на огнот со Русија, според „Блумберг“.
Договорот ќе им даде на Соединетите Американски Држави привилегиран пристап до нови инвестициски проекти за развој на природните ресурси на Украина, вклучувајќи алуминиум, графит, нафта и природен гас, објави Блумберг.
Според него, договорот се смета за клучен за „негување на добрата волја на Трамп кон Киев“, додека неговата администрација се стреми да ја заврши војната што започна кога Русија започна целосна инвазија на Украина пред повеќе од три години.
Клучна одредба за воена помош
Како дел од договорот, САД ќе му обезбедат дополнителна помош на Киев, што би можело да вклучува, на пример, системи за воздушна одбрана.
Ова е клучна одредба што не беше вклучена во претходните нацрт-договори.
Според украинскиот министер за економија Свириденко, приходите и исплатите на фондот нема да бидат оданочени во ниту една од земјите. Таа додаде дека договорот сè уште не е потврден од украинскиот парламент.
Свириденко вели дека договорот го признава придонесот на Украина кон глобалната безбедност и им се заблагодарува на сите што учествуваа во неговото постигнување.
