ОВА РАКОВОДСТВО НА ВМРО-ДПМНЕ ЌЕ ЈА ИСПИШЕ ИСТОРИЈАТА Мотивирано, обединето и цврсто ќе чекориме напред
Градоначалникот на град Скопје, Орце Ѓорѓиевски синоќа, преку својот фејсбук профил, изрази искрена и длабока благодарност за довербата што му ја уакажа премиерот и претседател на ВМРО-ДПМНЕ, Христијан Мицкоски, да биде дел од Извршниот комитет на партијата.
Ова, како што наведува Ѓорѓиевски, за него е должност што се прифаќа со исправен грб, со чиста совест и со подготвеност, огромна посветеност и пожртвуваност за подобро Скопје и за посилна Македонија.
„Патот што го изодевме не беше лесен. Нам не ни беа подарени победи, туку ги освоивме со истрајност, со жртва и со верба. Но,токму тие тешкотии нè направија поцврсти, поодлучни и пообединети. И затоа денес можеме гласно и гордо да кажеме – ние успеавме! Мојата приказна со ВМРО почна уште на 16-годишна возраст. Од претседател на местен комитет, чекор по чекор, секоја скала и секој филтер, до член на највисокото партиско тело. Пат што од млади години учи дека карактерот се гради во тешки времиња, а лидерството се докажува кога е најтешко. Затоа, со целосна увереност велам дека рамо до рамо со претседателот Христијан Мицкоски, ова раководство ќе ја испише историјата. А историјата ќе биде наклонета кон нас, затоа што ние имаме намера да ја испишеме! Во периодот што следи, заедно со општинските комитети, со ветераните, со УМС и УЖ, нè очекува работа и само работа. Мотивирано, обединето и цврсто ќе чекориме напред, за доброто на нашиот горд народ, за иднината на нашите деца и на генерациите што доаѓаат“ напиша Ѓорѓиевски во објавата на Фејсбук.
.
