ОВА Е ПРИФАТЛИВО ЗА ТРГОВЦИТЕ: Да се ограничат цените на 100 до 200 производи
Трговците доставија предлози за намалување на цените на групи производи.
Реално практично е да се ограничат цените на 100 до најмногу 200 производи, а не на 1.000, како што бараше Владата. Комората на трговците предлага намалување на маржите од 3 до 15 отсто за различни производи.
За брашното, маслото, млекото и за шеќерот, да се пресметува маржа од 3 отсто, а лебот, тестенините, квасецот, солта, кафето, рускиот чај и за одделни видови сирење, урда, јајца, за некои видови зеленчук и овошје, како и за одделни пијалаци и средства за хигиена, маржата може да се ограничи на 10 до 15 отсто. Мерката би важела од 22 март до 22 април. Тоа значи дека и за Велигден ќе има пониски цени, но и за Рамазан.
Тие претходно се побунија дека поради ограничени маржи, многу продавници ќе бидат доведени во ризик дали ќе опстанат, а загрозени ќе бидат и работните места.
foto freepik.com/G23
