ОВА Е 13-ТА ЖРТВА ОД МАСАКРОТ ВО ЦЕТИЊЕ: Повреден почина во болница во Подгорица
Во болница во Подгорица денеска почина еден од ранетите на 1 јануари и тој е 13-та жртва во масакрот.
Дејан Кокотовиќ почина денеска во Клиничкиот центар во Подгорица од тешките повреди со кои се здоби на 1 јануари при пукање во кафулето Велестово во центарот на Цетиње, пишува црногорски „Вијести“. Ова е 13-та жртва на нападот на Ацо Мартиновиќ.
Кокотовиќ имал повреди во пределот на стомакот, градниот кош и главата. Истата вечер бил опериран во Клиничкиот центар, но сепак им подлегна на повредите.
Убиецот Мартиновиќ починал при транспорт во Клиничкиот центар на Црна Гора откако си пукал во глава. Тој имал психички проблеми. Му била препишана терапија, но не бил на лекување во установа. Пред две години во Цетиње имаше друг масакр, каде Вук Бориловиќ уби повеќе луѓе.
