Ова бил мотивот за денешното убиство пред казино во Кавадарци
Утрово во Кавадарци, 43-годишниот Панче Толов трагично го загуби животот пред казино.
Според првичните информации, кавгата што започнала како расправа за финансиски обврски прераснала во физичка пресметка пред казино во центарот на градот.
По неколку удари, Толов паднал на земја и не покажувал знаци на живот. Брзата помош стигнала веднаш, но лекарите само констатирале смрт од тешки повреди на главата.
Полицијата брзо уапси тројца кавадарчани на возраст од 26, 27 и 35 години, осомничени за убиството. Како можен мотив се наведуваат коцкарски долгови и лихварство.
Ова е второ убиство во Кавадарци за еден месец, што дополнително ја вознемири јавноста.
