Отворил врата од авион и одел по крилото – Полицијата го уапсила, патниците го бранат
Несекојдневна случка во Мексико. Како што известува Би Би Си, маж ја отворил вратата за итен излез и одел по крилото на авионот.
Инцидентот се случил завчера, околу 11:30 часот, три часа откако летот на Аеромексико требало да полета од Мексико Сити.
Човекот се одлучил на тој потег откако авионот за Гватемала Сити чекал со часови на пистата, а авионот немал клима, ниту вода за патниците.
Мажот бил веднаш уапсен од страна на службите на аеродромот а потоа предаден на полиција.
Сите патници на летот од Мексико Сити до Гватемала наведуваат дека патникот во авионот ја отворил вратата за итен излез за заштита на сите патници и со нивна поддршка, бидејќи доцнењето на летот и недостатокот на воздух во авионот биле опасни за здравје на патниците.
