Отворен повик за 17-то издание на проектот ЛИДЕР: Врвна програма за развој на бизнис и претприемништво во Македонија
Македонија2025 објави отворен повик заЛИДЕР проектот, кој
по 17-ти пат ќе се одржи од 22-ри до 30-ти април 2025 година во
Скопје. Проектот се реализира во соработка со Ivey
Business School – Western University, кои ја
организираат програмата уште од 1991-та година.
Оваа програма
претставува десетдневна MBA (Management and Business Administration)
обука, која ги охрабрува и поттикнува македонските претприемачи да развијат
локални бизнис решенија, кои ќе создадат нови можности за социјален и економски
општествен развој.
Преку интерактивни
методи на учење со „студии на случаи“, учесниците ќе имаат можност да се стекнат
со корисни дополнителни знаења и вештини за
секоја фаза од развој на бизнисот, поврзани со изработка на стратегија, финансии,
маркетинг, промоција, продажба и развој, како и
целосно да го развијат чувствотоза бизнис.Во
текот на предавањата, учесниците
ќе имаат можност за индивидуални менторски сесии со некој од инструкторите од „Ivey“ школата и/или
ментори обезбедени од Македонија2025.
На повикот може да се пријават
учесници до 35 години -претприемачи, менаџери, сопственици на компанија,млади
професионалци од бизнис сферата и сите
кои се заинтересирани да ги продлабочат своите знаења од областа на бизнисот и
претприемништвото.
Инструкторите на ЛИДЕР проектот
доаѓаат од канадската Ivey
School ofBusiness, и на пријавените кандидати ќе им помогнат да
воведат нови бизнис практики во работењето на нивниот веќе постоечки бизнис или
пак да ги претворат своите идеи во успешни бизниси на пазарот.
Повикот е отворен до 31-ви март 2025
година. Повеќе информации за критериумите и начинот на аплицирање ќе најдете на
официјалниот отворен повик достапен ТУКА.
За сите дополнителни прашања контактирајте нè наbojana@macedonia2025.com.
За Македонија2025
Македонија2025 е
меѓународна, независна, непартиска, непрофитна организација. Остануваме
посветени на нашата мисија да помогнеме во создавањето на просперитетна
економска клима во земјата и „посилна нација”, која ќе ги подобри можностите за
граѓаните, компаниите и странските инвеститори. Промовираме одржлив економски
раст преку поттикнување на конкурентноста, претприемништвото, иновациите и
лидерството базирано на вредности.
