
Отворање на мостот Ибар ќе донесе инциденти на Косово
За обидот за отворање на мостот Ибар, српските власти велат дека косовскиот премиер Албин Курти сака да го доведе северот на Косово во конфликт.
Директорот на Канцеларијата за Косово и Метохија, Петар Петковиќ, коментирајќи ја одлуката на советниците Албанци во Собранието на Северна Митровица за отворање на мостот на Ибар, оцени дека „окупацискиот Галејтер Албин Курти денеска недвосмислено покажа дека сака и сонува за војна и да го доведе целиот север на Косово и Метохија во конфликти“.
Тој ја информирал меѓународната заедница за настанот. Српска листа наведе дека целта е Приштина да предизвика инциденти и да ги протера Србите од Косово.
Српската листа бара од КФОР, ЕУЛЕКС и претставниците на меѓународната заедница што поскоро да го спречат спроведувањето на оваа одлука, да дадат простор отворените прашања да се решаваат во дијалог и со тоа да се зачува мирот.

