Јотова: Промоцијата на бугарската култура и традиции во Македонија ќе ја зајакне бугарската заедница и ќе доведе до поблиски односи меѓу државите
„Вие сте суштинскиот дел од бугарската нација. Вие играте витална улога во ширењето на нашата култура, јазик и вредности во Македонија. Ја имате нашата непоколеблива поддршка“.
Ова го изјави бугарската потпретседателка Илијана Јотова на ненадејната средба во Скопје со претставници на бугарската заедница во Република Македонија, пренесе БГНЕС.
Јотова особено внимание посвети на инцидент со претепаниот Христијан Пендиков.
Таа нагласи дека властите во Софија будно ја следат истрагата за овој случај.
„Не се бугарските документи, туку бугарската самодоверба што ве прави Бугарин“, рече потпретседателката.
Јотова пред средбата се поклони пред барелефот на апостолот на слободата Васил Левски, кој е поставен пред зградата на дипломатско претставништво во Скопје. Таа повика „да ги следиме заветите на Левски и да придонесеме за напредокот и нашата заедничка иднина“.
„Правата за кои се бореше Левски се актуелни и денес. Конкретно за бугарската заедница во Македонија, која се соочува со различни предизвици и се бори за своите права, за кои Бугарија цврсто стои зад вас“, рече и Илијана Јотова.
Според неа, од особено значење е соработката меѓу бугарските културни клубови и граѓанските организации.
„Бугарската заедница во Македонија има богато културно наследство кое заслужува да се слави и зачува. Промоцијата на бугарската култура и традиции во Македонија ќе ја зајакне бугарската заедница и ќе доведе до поблиски односи меѓу Бугарија и Македонија, смета и таа.
