Откриено зошто нема шанси за смирување меѓу Вилијам и Хари
Принцот Вилијам и принцот Хари некогаш беа неразделни, но сега браќата не разговараат.
Во својата книга „Spare“ Хари откри дека меѓу четирите ѕида нивните односи биле многу различни, поради што често се чувствувал како вишок во семејството.
Речиси една година по објавувањето на мемоарите на Хари, ниту Хари, ниту Вилијам не се обиделе да ги поправат затегнатите односи и ништо не се променило меѓу нив, тврди кралскиот експерт Омид Скоби, кој за тоа ја напишал книгата „Endgame“, која ќе излезе на 28 ноември.
„Го видов Хари кога ја издаде „Spare“ како последен обид да му каже на семејството како се чувствува со години. Очигледно никогаш немало доволно отворен форум за такви разговори или споделување на тие чувства, рече тој.
Повредата и гневот меѓу двајцата браќа сега создадоа студена рамнодушност што внесува вистински немир во палатата која некогаш беше симбол на семејството и хармонијата на целата држава. Престолонаследникот Вилијам е бесен поради негативното светло што неговиот помлад брат го фрли врз семејството, но неговиот гнев, исто така, не и носи никакво добро на монархијата бидејќи сега е јасно дека секој што не ги следи правилата – бега!
-Во очите на некои во институцијата, Хари е закана за круната. Неговата слобода да размислува надвор од рамката на институцијата го направи непријател, тврди Скоби, додавајќи дека Вилијам тајно соработувал со медиумите во обид да заштита на круната и угледот на семејството.
