Откако не беше поканет на роденден: Малиот Леон доби изненадување со пожарникари, пилот и полицајка
По приказната која ја растажи јавноста, дека Леон (12) од Скопје, дете со аутизам, бил единствениот ученик кој не добил покана за роденденот на другарче од класот, следеше потег кој ја врати вербата во добрината.
Ирина Камилоска, трогната од ситуацијата, решила да му приреди изненадување за паметење – директно во училиштето му донела гости со големи срца: пожарникари, пилот, кошаркари, планинари и жена полицаец.
Најголема радост за Леон било дружбата со скопските пожарникари, кои го провозиле во противпожарното возило и му подариле вистински херојски ден исполнет со насмевки и аплаузи.
Настанот предизвика бројни позитивни реакции на социјалните мрежи, каде граѓаните го пофалија овој гест на човечност, солидарност и љубов кон децата кои често се соочуваат со предрасуди.
