ОСУМ ЛИЦА ПОВРЕДЕНИ ПО ЕКСПЛОЗИЈАТА ВО СУДОТ ВО ЦРНА ГОРА, четворица ќе останат на понатамошно лекување
Осум пациенти се пријавиле за преглед во Ургентниот центар, од нив пет пациенти имаат и физички повреди.
Ова го соопшти директорката на Клиничкиот центар на Црна Гора (КЦЦГ), Љиљана Радуловиќ. Таа појасни дека осум лица се пријавиле во таа здравствена установа по денешната експлозија во Основниот суд.
„Осум пациенти се пријавиле за преглед во Ургентниот центар. Од нив, пет пациенти имаат и физички повреди. Четворица пациенти ќе бидат примени на понатамошно болничко лекување“, рече Радуловиќ.
Директорката додаде дека сите се витално стабилни.
„Откако ќе пристигне дијагнозата, ќе видиме дали на некој од нив ќе му биде потребен хируршки третман, а веројатно ќе биде потребно“, додаде Радуловиќ.
Триесет и деветгодишниот Младен Булатовиќ загина откако активирал рачна бомба на влезот на Основниот суд во Подгорица.
Експлозијата се случила пред 12 часот денеска.
Извор: Вјести.ме
