ОСТРА ГЕРМАНСКА КРИТИКА НА СМЕТКА НА ВУЧИЌ – погледнете како го пренесуваат 12 телевизии во живо во исто време
Претседателот на Комисијата за надворешни работи на германскиот Бундестаг и член на комисијата на Социјалдемократската партија на Германија (СДП), Михаел Рот, на својот Твитер профил сподели објава на која е прикажана фотографија од прес-конференцијата на претседателот на Србија, Александар Вучиќ, за Косово и Метохија.
Всушност, не се гледа само една фотографија, туку дури 12 од нив.
Дури 12 телевизии, меѓу кои и Јавниот сервис на РТС, сите телевизии со национална фреквенција, како и кабелските канали, истовремено го пренесуваат обраќањето на Вучиќ до граѓаните. Којзнае кое по ред во последно време, пишува проопозицискиот портал Нова.рс.
„Европската унија и САД доцнат со прекројување на својата стратегија во однос на Западен Балкан и Србија. Претседателот Вучиќ ги поткопува принципите на ЕУ, го поттикнува национализмот и омразата“, напиша Рот и додаде:
„Она што навистина ни треба е храбро лидерство кое ќе поттикне помирување, владеење на правото и демократија.
Никола Буразер, програмски директор на Центарот за современа политика, за Нова.рс вели дека меѓународната јавност и носителите на одлуки во ЕУ одамна се запознаени со состојбите во медиумите во Србија, но досега немаше никаква реакција.
„Сега овие реакции се се пожестоки. На ова влијаеја и промените во земјите-членки, особено во Германија, каде Ангела Меркел веќе не е клучен фактор за поддршка на Вучиќ“, вели Буразер.
Тој наведува дека факторите што влијаеле на промената на расположението кај меѓународните високи функционери е пред се колапсот на демократијата во таа земја, како и тоа што нема голем напредок во преговорите со Приштина.
„Голем дел од одговорноста е на Приштина, но ниту другата страна не покажува голема волја“, додава Буразер.
It’s overdue for the EU + U.S. to reshape the strategy regarding Western Balkans+Serbia. President Vučić undermines the guiding principles of the EU, he heats up nationalism + hatred. What we really need is brave leadership to foster reconciliation, rule of law + democracy. https://t.co/AiUHMj06xd
— Michael Roth – official (@MiRo_SPD) July 7, 2023
