ОСТАР ПАД НА ТРОШОЦИТЕ ЗА ПРОИЗВОДСТВО НА СОЛАРНИ ПАНЕЛИ ВО КИНА – дали е време за страв кај конкурентите
Трошоците за производство на соларни панели во Кина драстично паднаа во текот на изминатата година, за дури 42 отсто, на 15 центи по вати, се вели во извештајот на глобалната енергетска истражувачка и консултантска групација Вуд Мекензи во четвртокот.
Ова им даде на кинеските производители огромна предност во однос на нивните конкуренти, на пример, во САД и во Европа.
Драматичниот пад на трошоците во Кина се совпадна со овогодинешното зголемување на производствениот капацитет на најголемиот светски производител на соларни панели, додека САД исто така ја зајакнуваат сопствената индустрија за да се натпреваруваат со Кина. Американските производители се загрижени дека бранот нови фабрики во Кина може да ги направи нивните фабрики неекономични.
Кина поседува 80 отсто од светскиот капацитет за производство на соларни панели, според анализата на енергетската истражувачка компанија Вуд Мекензи, видена од Ројтерс.
Во посебна анализа минатиот месец, Вуд Мекензи објави дека се очекува Кина да доминира во глобалниот синџир на снабдување со соларни панели во поголемиот дел од следната деценија.
Трошоците за производство на панели во Кина паднаа на 15 центи по ват оваа година, повеќе од 60 отсто пониски од американската цена од 40 центи по ват, се вели во извештајот.
Пред една година, производството на кинески панели чинеше 26 центи по вати. За споредба, трошоците за производство на соларни панели во Европа се 30 центи по вати, додека во Индија се 22 центи по вати, според Вуд Мекензи.
