Османи: Водам подкаст без хонорар
ДУИ ја плаќа продукцијата која го реализира подкастот на министерот за надворешни работи и кандидат за претседател на Македонија Бујар Османи. Тој ова го одговори вечерва во телевизиско интервју за Канал 5 телевизија, откако му беше посочено дека тоа чини пари за човек кој живее од плата.
Водителот на „Само интервју“ ја започна емисијата нарекувајќи го Бујар Османи колега, па следуваше и прашањето дали тоа го прави Османи за плус хонорар.
„Не нема хонорар во тоа. Тоа е нов тренд во кој политичарите се обидуваат на некој понеформален начин да им пристапат на граѓаните“, изјави Османи.
Водител: Но тие обично се гости, не водители…
„Да меѓутоа овде е повеќе разговор за да повеќе човечката призма во елаборирањето на политичките но и на неполитички настани се блиски до граѓаните. Телевизиските емисии се малку шаблонски ги кажуваме претходно подготвени партиски ставови, е тмау нема партиски ставови не си министер, таму си Бујар Османи кој зборува од своја перспектива, но тоа нема да биде политички, тоа ќе трае ќе биде редовно, еднаш два пати недело, на различни теми“, додаде Османи.
МНР Османи стана „популарен“ минатата недела откако на подкаст рече дека секој месец живее од плата и нема други приходи. Додаде дека ако не добие секој месец плата, тој мора да се позајми од пријатели. На ваквата изјава вечерва одговори:
„Тоа е извадено од контекст. Тоа е дел од подкаст кој траеше повеќе од еден час. Сакав да кажам дека немам друг приход освен платата. Тоа со задолжувањето беше метаформа дека јас немам друг извор, а не дека јас имам ниска плата, таман работа, сите знаеме колкави се платите, но јас сум имал висока плата и пред да станам минситер“, додаде Османи
Во продолжение првата епизода од подкастот на Бујар Османи
