Осимен се уби голови давајќи за Наполи, а за нив премијата ќе му биде – смешно мала

Како што објави „Газета дело Спорт“, Осимен според договорот кој го потпиша во 2020 година на пет години, има годишна плата од 4,25 милиони евра и бонус од 130 илјади евра ако даде 20 гола во сезона, па уште 130.000 евра бонус за секои следни пет гола откако ќе ја достигне првата квота.

Ако повредите го одбегнат, Осимен лесно може да дојде до 30-на гола сезонава, зашто покрај овие 16 во Серија А, има и еден во ЛШ, но има уште 17 меча во сезонава во Калчото, а допрва следува елиминациската фаза во најелитното натпреварување.

Италија од поодамна е финансиски падната, па фудбалерите на Апенините не може ни да очекуваат, ни да се надеваат на богати договори и побогати премии како во Англија, каде за ваков ефект сигурно ќе го чекаше најмалку потпати повеќе пари.