Орхан Куртиши нов директор на АД Пошта
Орхан Куртиши е назначен за нов генерален директор на АД Пошта на местото на Идри Истрефи. Куртиши доаѓа на оваа позиција како шеф на огранокот на Алтернатива во Куманово.
„Ветувам дека оваа задача ќе ја извршувам со одговорност, чест и посветеност во служба на граѓаните! Им благодарам на структурите на огранокот на Алтернатива во Куманово, но и на сите структури на коалицијата ВЛЕН“, објави Куртиши.
Негов заменик ќе биде Николчо Угринов од Струмица, а за останати членови на Управниот одбор се назначени Даница Јованова, Хатије Етеми, Агим Бафтија, Бојан Кереместевски и Дејан Николовски.
