Џорџина откри детали од животот со Роналдо: „Имаме готвач, но понекогаш и јас готвам“
Партнерката на фудбалерот Кристијано Роналдо, Георгина Родригез откри неколку детали од животот со португалската ѕвезда.
Според неговата избраничка, Роналдо е одличен татко и партнер.
„Кристијано е одличен татко и најдобриот сопруг за кој можев да сонувам. Но, тој не готви. По цело утро тренира, заслужува чинија топла храна подготвена со љубов. Имаме готвач, но и јас готвам понекогаш“, изјавила Џорџина за „Sportweek“.
Зборувала и за навикнување на животот во Саудиска Арабија, каде Кристијано игра за Ал-Наср. Таа се пожалила на новиот дом, бидејќи таваните биле превисоки, па дури и менувањето на сијалица е проблем. Дополнително, промената на културата ја смета за голема, односно радикална.
Иако постоела загриженост за заедничкиот живот бидејќи не се венчале, Кристијано и Георгина немаат никакви проблеми.
„Властите неодамна почнаа да ‘прегледуваат низ прсти’ и повеќе не се строги како порано, но законот се применува доколку има проблем или кривично дело“, изјавија неодамна адвокатите за агенцијата ЕФЕ, па славниот пар не е во животна опасност.
Тие двајца се долго време заедно и веќе имаат семејство. Во врска се од 2016 година по средбата во продавницата на Гучи, каде што работела Георгина.
