Општина Штип со помош за родителите на четворката која се роди во Скопје!
По објавата на 4news.mk за четворката која се роди во Скопје, стигна и реакција на градоначалникот на Штип, Иван Јорданов.
Тој вели дека во текот на денот ќе се слушне со таткото на штипската четворка, со цел како да им се помогне.
„Со радост ја примив веста и информацијата. Еднократно парично ќе помогнеме како општина, но и дополнително ќе ја искористам приликата во текот на денот да искомуницирам со членовите на семејството, за одблизу се информираме и осознааеме за економскиот статус и потребата од дополнителна поддршка во рамки на нашите надлежности. Секој поддршка е добредојдена во овој момент и ова се убави вести кои заслужуваат поддршка не само од институциите, туку од сите добронамерници“, вели Јорданов.
Таткото на четврката вели дека тие се благослов од Бога и неизмерно се среќни.
Имињата на бебињата се Михаил, Теодор, Ведран и Леонтина.
Александар е врботен, а мајката Благица која има 29 години, не може да добие платено породилно боледување, бидејќи какошто вели Александар и недостсуват две недели за да го исполни бараниот критериум од шест месеци. Четворката е предвреме родена во 31 недела. Новороденчињата се зачнати ин витро во клиника во Турција, а се родени во Универзитетската Клиника за гинекологија и акушерство во Скопје.
Бебињата се долги по 31 сантиметри, а нивната тежина е од 1,150 до 1,370 килограми.
