Опозициски политичар во Топола во Србија се самозапали
Локален опозициски политичар во Топола во Србија се полил со бензин и се самозапалил пред полициската станица.
Д.М.(53), доцна синоќа, се запалил, по што брзо му е укажана помош и преживеал, но е во тешка здравствена состојба со изгореници. Вчера се одржа седница на општинското собрание, а овој советник доцна во вечерните часови дошол пред полициската станица каде се самозапалил. Наводно, тој прво седел во близина неколку часа, а потоа се одлучил да се самозапали.
Полициски службеници му пришле на помош да го изгаснат. Екипите на итната помош веднаш пристигнале на местото на настанот и во Клиничкиот центар во Крагуевац пренеле маж со тешки изгореници. Еден полицаец, полесно ја повредил раката додека се обидувал да го спаси запалениот човек.
Пациентот е задржан на лекување во Клиничкиот центар Крагуевац. Се наоѓа на одделението за интензивна нега на Центарот за анестезија и реанимација. Пациентот е во тешка состојба, витално загрозен и приклучен на механичка вентилација, потврдија за агенцијата РИНА од Универзитетскиот медицински центар Крагуевац.
Драган Јовановиќ, пратеникот на Српската напредна странка во тој град, на својот Фејсбук профил објави фотографии од местото на настанот. Човекот наводно бил во алкохолизирана состојба и немал гласови за реизбор.
