Опожарено патничко возило во битолско – изгоре и дел од куќата и гаражата
Ноќеска (01.12.2025) во 03:00 часот во СВР Битола е пријавено дека на ул.„8 Септември” во с.Горно Оризари, битолско, во дворно место било опожарено паркирано патничко возило „шкода октавија” со битолски регистарски ознаки, сопственост на Б.К.(58) од с.Горно Оризари.
Од пожарот возилото целосно изгорело, а зафатени се куќа и гаража, сопственост на С.Р.(50) од Горно Оризари и Д.Р.(33) со престој во Австрија.
Од Територијалната противпожарна единица Битола пожарот е изгаснат, а повредени лица нема.
Извршен е увид од увидна екипа на СВР Битола.
