Опасни горештини: Австралијци ги нападнаа плажите во потрага по свежина (ВИДЕО)
Делови од источна Австралија, вклучувајќи го и Сиднеј, го забележаа најтоплиот ден во последните две години. На 6 март таму температурите надминаа 40 степени, пренесува Ројтерс.
Во областа Пенрит, предградие во западниот дел на Сиднеј, метеоролозите забележаа 40,1 степени Целзиусови во понеделникот попладне, а во внатрешноста на земјата – околу 41 степен . Синоптичарите известуваат дека ова е најтоплиот ден од 26 јануари 2021 година.
„Ова е мој прв пат да дојдам во Сиднеј. Стигнав утрово и заминувам за неколку часа. Навистина сакав да ја видам плажата Бонди. Воопшто нема сенка. Многу е жешко , па наскоро ќе заминам. Не сакам да бидам на сонце предолго. Плажата е добра, а денот е толку убав“, изјави туристката Џулија Волтерс.
Пријавена е и опасност од пожар. Затоа во многу региони сега е воведена целосна забрана за палење огнови. Поради неподносливите горештини затворени се речиси 35 државни училишта , претежно во внатрешноста на државата.
Топло и суво време – ова останува прогнозата до среда (08.03). „Се формираат неколку топли, ветровити и главно суви денови. Тоа доведува до услови за појава на топлотни бранови со низок до тежок интензитет. Температурите ќе се движат од 30 до 40 степени“, изјави Сара Скали, виш метеоролог.
