Она што 18-годишниот Дино Прижмиќ му го направи на Ѓоковиќ е без преседан во историјата на неговата славна кариера
Хрватскиот 18-годишен Дино Прижмиќ во дебитантскиот настап во сениорска конкуренција на Грен слем турнирите му пружи силен отпор на светскиот тенисер број еден Новак Ѓоковиќ кој победи со 6-2, 6-7 (5). 6-3 по четири часа и една минута. 6-4 во нивниот натпревар од 1. коло на Австралија Опен.
Благодарение на неговата одлична игра, Прижмиќ стана приказна за овогодинешниот Австралија Опен. Му пружи неочекувано добар отпор на големиот Ѓоковиќ.
Прижмиќ испиша историја со тоа што беше единствениот тенисер кој издржа повеќе од четири часа против Ѓоковиќ во првото коло на еден Грен слем турнир. Навистина голем успех за талентиран сплиќанец.
На Прижмиќ на овој меч му недостигаше подобра егзекуција на втор сервис (31%), на што не помогнаа ниту седум двојни грешки. Ѓоковиќ имаше нешто повеќе директни поени (40-31) во однос на хрватскиот тинејџер, но Прижмиќ направи помалку неизнудени грешки (42-49). Српскиот тенисер осум пати го кршеше сервисот на противникот, а Прижмиќ направи четири „брејка“.
Следен противник на српскиот тенисер на патот до 25. Грен слем трофеј ќе биде подобриот од двајцата Австралијци, минатогодишниот победник на Умаг Алексеј Попирин и добитникот на поканата за главниот турнир Марк Полманс.
