„Ѓоковиќ нема да победи на Ролан Гарос, ниту ќе освои злато на ЛОИ 2024!“

Ова беше само продолжување на лошата низа на Србинот во пресметките со Италијанците, со оглед што претходниот пораз му беше од Јаник Синер во полуфиналето од Австралија опен. Поранешниот тенисер и некогашен Дејвис куп селектор, Радмило Арменулиќ, поради сето ова неочекувано прогнозираше продолжување на црната низа на својот сонародник.

„Ова е најтешкиот пораз во неговата кариера, против ‘среќен губитник’, кој е 123. во светот. Играше очајно, направи многу неизнудени грешки, лошо сервираше и слабо се движеше. Ако продолжи вака, ќе доживее уште потешки порази. Треба да продолжи да игра и да се обиде да се врати во форма. Но и покрај тоа, нема да го освои Ролан Гарос, бидејќи земјата не е негов терен. Мислам дека не е можно ниту да дојде до златото на ЛОИ во Париз. Има многу други кои се фаворити, на пример Синер, Алкарас, Медведев, Зверев, сите се во подобра форма од Ѓоковиќ“, изјави Арменулиќ за „Еспресо“.

Популарниот Ноле останува во САД, но сега ќе се пресели на Флорида каде што за нешто повеќе од една недела ќе настапи на мастерсот во Мајами.