Ѓоковиќ: Играњето против италијански тенисери во Рим е како – борба со лавови!
И покрај ова, Србинот има дополнителен мотив во „вечниот град“, а тоа е да стане првиот во историјата со 17 пласмани во четвртфиналето на некој од турнирите од Серијата 1.000.
„Еден од најубавите моменти во мојата кариера е освојувањето на првата титула во Рим во 2008 година, кога во финалето го совладава Вавринка и тоа со само 20 години. Се сеќавам и на многу други прекрасни мечеви, особено против Федерер и Надал. За мене секогаш се посебни и пресметките против италијанските тенисери, кои на овој турнир играат со огромна самодоверба. Поддршката од трибините за нив е како на фудбалски меч и тие го оставаат срцето на терен, што секогаш е прекрасно да се гледа, дури и кога играте против нив“, изјави Ѓоковиќ за „Газета дело спорт“.
Ѓоковиќ беше слободен во првата рунда на мастерсот во Италија, а него прв противник ќе му биде Аргентинецот Томас Мартин Ечевери, во дуел кој ќе се одигра задутре.
