Ѓоковиќ донесе очекувана одлука по неочекуваниот пораз од Синер!
Србинот реши да не игра се до почетокот на март, кога ќе се појави на мастерс-турнирот во Индијан Велс. Најдобриот на сите времиња веќе претходно објави дека годинава сигурно ќе настапи на сите гренслем-турнири како и на ЛОИ во Париз, додека одлуките за сите останати учества ќе ги носи во од односно во зависност од моменталната ситуација.
Одморот нема да влијае врз неговиот ранкинг, со оглед на неговата сигурна предност во однос на Алкараз на најновата АТП-листа. Ѓоковиќ лани не настапи во Индијан Велс ниту во Мајами, па сега има можност со победи на овие два мастерс-турнири да освои нови 2.000 бода и уште повеќе да се зацврсти на врвот на АТП-листата.
