Охрид му парираше на Олимијакос, но не се спаси од пораз

Тимот кој најави амбициозна сезона во домашната Суперлига, носејќи го Стевче Алушовски за нов тренер покажа дека има потенцијал, но и дека потребно му е уште време да ги „спои редовите“ и да ја воведе поголема течност во играта. 

Тоа го зборува и резултатот, кој константно беше во корист на грчкиот тим, почнувајќи од стартните 6-1, но исто така и постојано подлежеше под успешни напади на охриѓани кои се доближуваа на егал. Доаѓаа на 7-6, на 12-11, за на голем одмор да заминат со негатива од 15-17.

Во сличен тренд се одвиваше и вториот дел, па домашната публика доби надеж дека можеби Охрид ќе се бори за победата, кога се врати на 25-27, но и тоа беше моментен блесок. Олимпијакос остана на пристојна дистанца и се израдува на победата. Најдобри поединци во домашниот тим беа Ојлески со пет гола, како и Тасески, Бојаниќ, Цирар и Шешиќ, кои погодија по четири пати. Следен предизвик за Охрид е дуелот со Голден Арт.

Фото: ohridnews.com