Огромен пожар во Лондон, на терен дури 125 пожарникари
Околу 125 пожарникари гаснат пожар во станбена зграда во западен Лондон, јавува Sky News.
Дваесет противпожарни возила реагираа на извештаите за пожар на Елм Роуд во Вембли попладнево.
Лондонската противпожарна бригада соопшти дека гори дел од покривот на зградата.
Блокот и околните згради се евакуирани како мерка на претпазливост, се додава во соопштението.
„На луѓето им се советува да ја избегнуваат областа додека нашите екипи реагираат.
„Контролните службеници примиле осум повици кои пријавиле пожар, од кои првиот бил примен во 16.42 часот. Пожарникарите од Вембли, Парк Ројал, Нортолт и околните противпожарни станици се на местото на настанот.
Засега не е позната причината за пожарот.
