Официјално: ПОА на Вранишковски ќе се интегрира во МПЦ-ОА

Православната охридска архиепископија на Јован Вранишковски ќе добие епархии од Македонската православна црква (МПЦ). Ова денеска го истакна владиката Тимотеј, митрополит на Дебарско-кичевската епархија.

-Денес Светиот архирејски синод на МПЦ во полн состав донесе одлука за процесот на интеграција на ПОА во МПЦ. Донесени се неколку одлуки, но не можеме да ги споделиме со јавноста затоа што треба да ги усогласиме со СПЦ. Потоа ќе бидете дополнително информарани, рече Тимотеј за медиумите.

Тој појасни дека се работи околу поделбата на епархиите.

-Комплетната интеграција би се случила за време на соборот на Српската црква, тој почнува мислам дека на 14-ти и 15-ти мај. Ние одамна усогласивме да нема недоразбирања, додаде владиката Тимотеј.