Официјално: Каи Хаверц е нов „топчија“! (ВИДЕО)

Хаверц во Арсенал доаѓа за 65 милиони фунти од Челси, десет милиони фунти помалку од тоа што „сините“ во 2020 година ги платија за да го донесат од Баер Леверкузен. Хаверц на „Стемфорд бриџ“ даде 32 гола и имаше 15 асистенции во 139 меча, а со „сините“ стана европски првак во 2021 година.

„Многу возбудливо за мене е доаѓањето во овој неверојатен клуб и фактот дека ќе бидам дел од семејството на Арсенал. Овој клуб има толку голема историја и се надевам дека ќе направиме многу големи работи. Менталитетот во Арсенал е многу голем и тоа може веднаш да се почувствува“, рече Хаверц.

Германецот е првото од трите големи засилувања по желба на Микел Артета, зашто Арсенал покрај Рајс, веќе е во сериозни и напредни разговори за Џастин Тимбер од Ајакс за трансфер вреден над 45 милиони фунти.

Хаверц во Арсенал ќе игра во следните пет години откако го потпиша договорот до јуни 2028 година.

We keep moving forward.​

Kai Havertz is a Gunner ❤️ pic.twitter.com/76j5BStw9e

— Arsenal (@Arsenal) June 28, 2023