ОДМОР ВО ХРВАТСКА ГОДИНАВА: Еве колку треба да потрошите за некои од најубавите дестинации
Хрватското крајбрежје е познато како едно од најскапите во регионот, а нивниот портал Индекс истражуваше колку чини седумдневен или шест ноќен одмор на четиричлено семејство на хрватското приморје, односно некои од најпознатите одморалишта таму.
Потрагата вклучува сместување во хотел или апартман, оброк во ресторан, како и сладолед за целото семејство. Испитани се просечните вредности на понудите во Ровињ, Сплит, Хвар и Дубровник, а во крајната сума не се вклучени трошоците за превоз, како и билетите за туристичките атракции.
Цените на сместувањето на Booking може да се разликуваат поради одредени попусти, а во овој случај се пребаруваше периодот од 8 до 14 јули. (побарано на 13 јуни)
Четиричлено семејство со две деца на возраст од 7 и 13 години ќе треба да потроши околу 3.000 евра за шест ноќевања во Ровињ, додека сместувањето во апартман ќе чини нешто помалку од 1.000 евра. Во пицерија четири пици и сок чинат 58 евра. Со четири топки сладолед, еден оброк ќе чини 70 евра.
