Одмор како суво злато: 19 квадрати луксузен простор на поткровје чини „многу малку“
Во пресрет на уште една летна сезона, може ли да се надеваме на некое „заладување“ на цените?
Летото е пред самиот агол, а одморите на популарните дестинации за нашите туристи, како Грција, Црна Гора, Хрватска, веќе многу се резервираат, пишува „Телеграф бизнис“.
Почнавме навреме да ги проверуваме цените, а тргнуваме од еден од најскапите градови во регионот, на кој често се гледа како на „параметар“ за односот меѓу цените и услугите – од сезона во сезона.
Доколку се случи Дубровник да ги „олади“ цените, голема е веројатноста дека тој тренд ќе го следат и други популарни локации на Јадранот. Сепак, судејќи по моменталните цени од Букинг, од тоа нема ништо и годинава.
Имено, ја избравме категоријата сместување „стан“, без да наведеме луксузни содржини (СПА, фитнес центар, внатрешен базен, џакузи и сл.), а самата шпиц сезона – од 15 до 21 јули, односно период од 6 ноќевања/ 7 на ден за две лица.
Се фокусиравме на стариот дел од градот, кој важи за најбараниот и најатрактивен, но и најскап.
Како што пишуваат српските медиуми за солидно наместен стан од 45 квадрати, во Улица Палмотиќева, треба да издвоите дури 114.000 динари, што е намалена цена во однос на редовните 220.000 динари. Ова изразено во денари би било половина цена, или 77.000 денари по намалена цена, односно 110 илјади денари по редовна цена.
Во улицата Бошковиќева нудат прекрасен стан, но и солидно уреден (не претерано модерен и луксузен), за 120.000 динари во овој период, за шест ноќевања за двајца возрасни.
Цените одат и до 188.000 динари за малку поелегантен стан од 64 метри квадратни, а интересно е што нудат простор од само 12 метри квадратни за дури 169.000 динари.
Тоа е мала соба на поткровјето, во Улица Замањина, со бања.
Не е невообичаено да се издаваат станови од оваа големина, кои всушност се соби, бидејќи побарувачката за сместување во Дубровник секоја година се зголемува. Затоа, често ќе наидете на простори од околу 20 квадратни метри.
На пример, во улицата Ѓура Баглива се издава 21 м2 по цена од 109.000 денари, како и 19 квадрати луксузен простор на поткровје, на улица Наљешковиќева, за дури 154.000 динари.
Сите цени се во српски динари, и се скоро половина кога ќе се претворат во денари.
Сепак, треба да се напомене дека се работи за извонредно опремен стан, многу луксузен и во минималистички стил, кој ги задоволува повеќето барања на светските туристи.
Фото: Принтскрин/ Твитер
