ОДЛУКА ЌЕ ИМА ВО ПОНЕДЕЛНИК: Трговците предлагаат поевтинување на 100 производи

Трговците предлагаат поевтинување на 100 производи, наместо ограничување на маржи, a одлука ќе има во понеделник. 

Наместо ограничена маржа на 10 отсто за повеќе од 1.000 продукти,  да се состави листа од 100,  200 производи кои граѓаните секојдневно ги купуваат и нивните цени да се намалат. Ова е предлогот на трговците и дистрибутерите до Владата кои тврдат дека ќе помогне да се ублажи скапотијата. Нивните проценки се дека со владината одлука за ограничување се опфатени многу производи и дека некој треба да бидат изземени.  Во понеделник ќе се знае дали нивниот предлог се прифаќа или не.

Тие бараа средба поради тоа што тврдеа дека со ограничувањето на маржите, ќе се загрозат многу продавници, но и работни места. 

Претходно, граѓаните ги бојкотираа маркетите двапати поради тоа што велат дека цените се високи. Истиот пример го имаше во Хрватска, потоа во Црна Гора, БиХ, а ќе бојкотираат и Грците, Романците и Бугарите. 

foto freepik.com/piyato